Prania e kryedemokratit Lulzim Basha dhe kryeministrit Edi Rama në qytetin e Elbasanit, me rastin e Ditës së Verës, ka sjellë përplasje mes simpatizantëve.
Gjithçka ka ndodhur brenda pak çastesh, teksa kryeministri Edi Rama po kalonte në shesh, në hyrje të portës së Kalasë së Elbasanit.
Duket se përplasjet verbale mes mbështetësve të PD-së dhe PS-së kanë nisur pas thirrjeve “Rama ik!”
Fatmirësisht nuk raportohet për të lënduar, por atmosfera paraqitet tepër e nxehtë.
Në videon e siguruar nga Mapo, simpatizantët dëgjohen duke sharë njëri-tjetrin dhe shihen teksa qëllohen me grushta.
Në një moment vihet re ndërhyrja e një efektivi policie, i cili mundohet të qetësojë situatën.
Risjellim në vëmendje se kryedemokrati Basha akuzon Edi Ramën për provokim falë miqve kriminelë, ndërsa ky i fundit pretendon se gjithçka është stisur nga militantë të nxitur të Partisë Demokratike.
