Veteranët e Ushtrisë Çlirimtare të Kosovës janë ngritur sot në protestë, duke kundërshtuar miratimin e ligjit për pagën minimale.
Pensioni i veteranëve është i njëjtë me pagën minimale në Kosovë, por në projektligjin e miratuar nga Qeveria e Kosovës për rritje të kësaj page, nuk është përfshirë edhe rritja e pensionit të veteranëve.
Veteranët kanë protestuar në oborrin e Kuvendit dhe kanë tentuar të hyjnë brenda godinës, por kanë hasur rezistencën e policisë, e cila ka reaguar me gaz lotsjellës, për t’i shpërndarë.
Nga përplasja me policinë, një oficer ka mbetur i lënduar, ndërsa në vendin e ngjarjes ka mbërritur edhe ambulanca.
