Në Vlorë i bashkoi ceremonia për ditën e Flamurit.
Edi Rama dhe Ilir Meta ishin të dy të pranishëm në ceremoninë e ngritjes së flamurit, teksa më pas kanë zhvilluar homazhe dhe kanë vendosur kurora me lule në monumentin e Pavarësisë.
I pari mbërriti Ilir Meta dhe disa sekonda pas tij Edi Rama. Të dy shmangën kontaktin direkt me njëri-tjetrin.
As shtrëngim duarsh dhe as afrimitet.
Të dy reflektuan qartë ndasitë politike që i kanë karakterizuar prej disa vitesh tashmë, qëkur Ilir Meta u zgjodh në krye të shtetit.
Mirëpo nuk mjaftoi vetëm zemërata me Ilir Metën.
Kryeministri Edi Rama nuk përshëndeti as kryebashkiakun e Vlorës, Dritan Leli. Përplasja mes Ramës dhe Lelit vijon që prej fushatës elektorale të 25 prillit, kur kryebashiaku refuzoi të kandidojë për deputet. Rama e sulmoi atë publikisht në disa dalje mediatike si dhe në mbledhjet që zhvilloi me PS-në lokale të Vlorës.
Pavarësisht të gjithave, Dritan Leli nuk e lëshoi Bashkinë e Vlorës.
***
E pranishme në ceremonitë e sotme në Vlorë ishte dhe kryetarja e Kuvendit Lindita Nikolla, si dhe drejtues lokalë. Ditën e sotme u mbajtën disa aktivitete me rastin e 28 nëntorit Ditës së Flamurit.
Sheshi i monumentit të Pavarësisë në Vlorë ishte i mbushur me qytetarë të Shqipërisë dhe të Kosovës.
LEXO EDHE:
VIDEO/ Rama shmang Lelin në Vlorë, kryeministri s’e sheh në sy
