Disa persona kanë mbetur të plagosur brenda një universiteti në Heidelberg, Gjermani. Një person i armatosur hyri në sallë leksioni dhe qëlloi me armë.
Autori u vra, shtoi policia, por nuk dha detaje se si ndodhi kjo.
“Ngjarje e shkallës së lartë. Plagosje të shumta. Polici dhe punonjësit ndihmës me forca të shumta në zonë. Do ju përditësojmë sapo të zbardhen detaje të tjera”, thuhet në njoftim.
Më parë, Policia kishte kërkuar nga njerëzit në Twitter që të shmangnin zonën Neuenheimer Feld të Heidelberg, ku ndodhet universiteti i qytetit.
Policia nuk specifikoi se sa njerëz u plagosën, apo sa rëndë. Zyra e shtypit e universitetit nuk pranoi të jepte ndonjë detaj mbi incidentin dhe ia referoi të gjitha pyetjet policisë. Policia tha se arma e përdorur në të shtënat ishte një armë me tytë të gjatë.
