Plagoset me armë zjarri një vajzë në qytetin e Vlorës

Një vajzë është plagosur me armë zjarri mesditën e sotme në Vlorë.

Ngjarja ka ndodhur pranë Poliklinikës. Mësohet se e reja është qëlluar nga një djalë, me të cilin po debatonte.

Mësohet se e plagosura është K.Z, 20 vjeçe, nga Berati. Ndërsa autori Fadil Nikaj, 30 vjeç, nga Shkodra.

E reja ka marrë një plumb në këmbë dhe është transportuar në spitalin e Vlorës. Mësohet se e plagosura ndodhet jashtë rrezikut për jetën.

Autori u arrestua pak metra larg vendit ku ndodhi plagosja.

Vijojnë hetimet për zbardhjen e rrethanave të kësaj ngjarje.