Këngëtarja me origjinë nga Teksasi, Megan Thee Stallion ka deklaruar se është e lumtur që është gjallë pasi u qëllua me armë, ndonëse nuk ka dhënë shumë detaje për dëmtimet e saj ose si ndodhi ngjarja.
Sipas BBC Megan tha se ajo u plagos me armë zjarri të dielën dhe është duke marrë mjekim.
Në një video të publikuar duket këmba e saj e gjakosur, pasi policia ndaloi reperin Tory Lanez.
Ai u akuzua se mbante të fshehur një armë. Policia njoftoi se një person kishte pësuar “një dëmtim në këmbë”.
Të Dielën në mëngjes, pata plagë me armë zjarri, si rezultat i një krimi që u krye kundër meje dhe u bë me qëllimin të më dëmtonte fizikisht. Asnjëherë nuk u arrestova, policët më çuan në spital, ku iu nënshtrova operacionit për të hequr plumbat. Jam tepër mirënjohëse që jam gjallë dhe pritet të bëj një rikuperim të plotë, por ishte e rëndësishme për mua të sqaroja detajet në lidhje me këtë natë traumatike, është shprehur ajo.
Këngëtarja, emri i vërtetë i së cilës është Megan Pete, kryesoi në muzikën amerikane në maj me Savage, këngë e cila u bë virale.
Megan u shpall artistja më e mirë femër hip-hop në BET Awards muajin e kaluar.
