Pas plagosjes me armë të biznesmenit Sino Llanaj mëngjesin e sotëm në Tiranë, është paraqitur vetë në komisariat, biznesmeni tjetër me të cilin ai u konfliktua, Albert Allmuça.
Në dëshminë që ka dhënë në polici, Albert Allmuça u shpreh se nuk ka lidhje me ngjarjen dhe se nuk ishte ai personi që qëlloi me armë Sino Llanajn.
Sipas të dhënave nga policia, Sino Llanaj dhe Albert Allmuça u konfliktuan mëngjesin e sotëm dhe sherri agravoi deri në përdorimin e armëve. Sino Llanaj mbeti i plagosur, por mbetet mister kush ishte personi që qëlloi me armë.
