Aktualitet

Plagosja në Tiranë/ Killeri i masakrës së Lushnjes i drejtoi armën efektivit të Shqiponjave (EMRI+FOTO)





Bëni LIKE faqen zyrtare në Facebook
               Publikuar në : 12:42 - 10/04/20 |
mapo.al

Gazeta MAPO zbardh dinamikën e plagosjes së dyfishtë sot në Tiranë. personi që i ka drejtuar armën efektivit të “Shqiponjave” ka qenë Orges Bilbili, i shumëkërkuari për masakrën e Lushnjes bashkë me Laert Haxhiun, ku në 2017-ën ekzekutuan me breshëri kallashnikovi Zamir Latifin dhe Jurgen Hoxhën në qendër të qytetit.


Ngjarja sot ndodhi në zonën e Xhamllikut, ku Bilbili nuk i është bindur urdhrit të policisë për t’u identifikuar. Polici, një efektiv i shqiponjave ka parë që Orges Bilbili mbante dorën në çantë dhe e ka pyetur “çfarë ke në aty”. Në këtë moment, Bilbili ka nxjerrë pistoletën nga çanta dhe ia ka drejtuar policit. Oficeri i Shqiponjave gjithashtu ka nxjerrë armën dhe i ka bërë thirrje të dorëzohet.


Orges Bilbili është larguar me vrap, por polici e ka ndjekur.  Fillimisht polici ka qëlluar në ajër, por Orges Bilbili i ka thënë të largohet ndryshe do e qëllonte.


Kërcënimit efektivi i “Shqiponjave” i është përgjigjur duke hapur zjarr me armën e shërbimit dhe e ka plagosur në këmbë Bilbilin. E plagosur rastësisht ka mbetur edhe një grua. Ka qenë po ky efektiv i policisë i cili më pas e ka prangosur Orges Bilbilin i shtrirë në tokë, siç duket edhe nga fotot që ka siguruar Gazeta MAPO.


Momenti i arrestimit të Orges Bilbilit

Kush është Orges Bilbili

Orges Bilbili është i akuzuar si autor i masakrës së Lushnjes së bashku me Laert Haxhiun. Laert Haxhiu dhe Orges Bilbili, janë të akuzuar për një sërë vrasjesh dhe ngjarje të tjera të rënda.

Bilbili bashkëpunëtori i Laert Haxhiut në vrasjet Lushnjë në 2017  rezulton se është dënuar me 7 vite e 4 muaj burgim për trafikim lëndësh narkotike.

Bashkë me Haxhiun, Orges Bilbili është i dyshuar edhe për atentatin, ku u plagosën Xhulio Shkurti (nipi i Aldo Bares) dhe Sajmo Xhelili.

Orges Bilbili i shtrirë në asfalt, momenti i arrestimit

Punonjësi ka qëlluar në drejtim të tij dhe e ka plagosur, aktualisht ndodhet në spital, është plagosur në këmbë, por akoma nuk kemi një informacion të saktë në afërsi të kësaj skene ka qenë një qytetare që edhe ajo ka marrë një plumb në këmbë, nga punonjësi i policisë. nuk e kemi identifikuar akoma por dyshimet janë se kemi të bëjmë me një të rrezikshëm të shpallur në kërkim. do ju japim informacion sapo ti marrim gjurmët.

Punonjësi i policisë është me përvojë i ekipit shqiponjave ishte i vetëm, dhe ka vepruar në bazë të procedurave standardë të punës, ne kemi ngritur grupin e punës për identitetin e personit që pak a shumë kemi një emër por do jua bëjmë me dijë me vonë. Momentalisht janë jashtë rrezikut të dy, në spitalin e traumës po punojnë mjekët. Efektivi nuk është qëlluar, është në drejtorinë e policisë Tiranë për veprimet procedurale”, tha drejtori i Policisë së Tiranës, Rebani Jaupi.


Etiketa: , , , ,

Pas