fbpx

Bota

Plumb kokës pas shnicelit: Zhdukja e 200 kg kokainë ndezi luftën në Ballkan






               Publikuar në : 12:16 - 22/12/18 |
mapo.al

Ishte një vrasje gjakftohtë, që tronditi kryeqytetin austriak. Tre persona u takuan në mes të Vjenës për të ngrënë drekë në restorantin e famshëm të shnicelit, “Zum figlmueller”.


Restoranti gjendet në një zonë të shumëfrekuentuar nga turistët. Pasi mbaruan drekën, dolën të tre nga lokali. Krejt papritur, njëri nga të tre nxjerr një armë dhe i qëllon dy të tjerët në kokë.



Njëri nga viktimat vdiq në vendin e ngjarjes, tjetri është në rrezik për jetën. Personi që kreu krimin u largua me një makinë, kurse kalimtarët e terrorizuar kërkonin vend që të fshiheshin.

Vrasja ka shokuar austriakët. Ende nuk dihet me saktësi se kush është autori i krimit, por dihet se viktima është Vladimir Roganoviç. Një dëshmitar tha se ata flisnin një gjuhë sllave.

Sipas mediave serbe, viktima është anëtar i klanit mafioz Kavaçki nga Mali i Zi. Kurse viktima e dytë është 22-vjeçari Stefan V. nga Nikshiçi.

Policia beson se bëhet fjalë për një përplasje të përgjakshme të mafies ballkanike, që ka prodhuar shumë viktima.

Bandat e përfshira në konflikt janë Kavaçki dhe Skaljarski, të emërtuara sipas lagjeve të qytetit të Kotorrit në Malin e Zi.

Ata merren me trafik kokaine nga Amerika e Jugut. Por në fund të vitit 2014 ndodhi diçka që ndezi luftën. 200 kg kokainë u zhdukën pa lënë gjurmë.

Një nga grupet duhet ta ketë vjedhur sasinë e madhe të kokainës. Beteja e nisur mes bandave u ka kushtuar jetën së paku 40 personave. Atentate, shpërthime me bomba dhe përplasje të armatosura janë shënuar kryesisht në Beograd dhe Valencia.

Tashmë krimi mbërriti edhe në Vjenë.

<
>
vrasja1 vrasja2 vrasja3 vrasja4 vrasja5


Etiketa: , , , ,

Pas