Në mesin e viktimave të aksidentit tragjik në autostradën Sofje-Shkup, janë edhe 12 fëmijë. 46 shtetas të RMV-së sot në mëngjes kanë humbur jetën në një përplasje të tmerrshme që ka ndodhur në austostradë në Bullgari, 30 km nga Sofja, kur një autobus me të cilin udhëtonin 53 udhëtarë ka dalë nga rruga është rrokullisur dhe është djegur.
Mes viktimave janë edhe 12 të mitur dhe dy binjakë. Po ashtu, ka ndërruar jetë edhe drejtuesi i mjetit. Shtatë udhëtarë kanë mbijetuar dhe në situatë të rëndë me djegie serioze janë dërguar në Sitalin “Prigov” në Sofje.
Tragjedia ndodhi rreth orës 03.00 të mëngjesit në afërsi të Boshnek në austradën Struma mes Pernikut dhe Dupnicës.
Sipas informacioneve autobusi kishte qenë pjesë e një grupi më të madh prej katër autobusëve të cilët disa orë më parë kishin hyrë në Bullgari nga Turqia përmes vendkalimit kufitar “Andreevo”.
