Një efekiv i Shqiponjave u bë protagonist sot në Tiranë, pasi gjatë kontrolleve të ushtruara për respektimin e masave të izolimit për COVID-19, ra në gjurmët e një super të kërkuari nga drejtësia.
Orges Bilbili ka qenë duke ecur në këmbë në zonën e Xhamllikut kur atij i është kërkuar nga “Shqiponjat” të tregojë autorizimin e leje-daljes dhe kartën e identitetit. Ai ka refuzuar t’i bindet urdhrit të policisë dhe për më tepër i ka nxjerrë pistoletën efektivit. Por ky i fundit ka reaguar menjëherë duke e ka qëlluar në këmbë në kushtet e vetëmbrojtjes, duke i vënë edhe prangat.
Pas ngjarjes ai ka dhënë dëshminë e parë, duke treguar pse e ndaloi Bilbilin, i cili mbante kapuç dhe dorën e kishte në çantë, duke ngritur jo pak dyshime me lëvizjet e tij.
“E pashe që në kokë mbante kapucc prandaj dyshova, se ishte edhe kohë më diell. Dorën e mbantë mbi ccantën e dorës. Dyshova prandaj fillimisht i kërkova karten e identitetit. Kokën e mbante ulur dhe ishte person i dyshmitë. Edhe xhupi trashë që mbante më shtoi dyshimet”, ka deklaruar efektivi i “Shqiponjave” përpara grupit hetimor.
