Një ngjarje e rëndë ka tronditur sot Kosovën.
Mediat kosovare raportojnë se një person ka mbetur i vdekur, pasi është qëlluar me armë zjarri. Ngjarja ndodhi në fshatin Gushtericë të Komunës së Graqanicës.
Krimi i rëndi ndodhi sot rreth orës 15:00.
Paraprakisht dyshohet se një efektiv policie ka qëlluar vëllain e tij, pas një sherri, me armën e shërbimit.
Edhe zëdhënësja e Policisë për rajonin e Prishtinës, Flora Ahmeti ka konfirmuar për mediat kosovare se i dyshuari është efektiv policie.
Policia ka shkuar në vendngjarje dhe po sqaron rrethanat e ngjarjes së rëndë. /Liberale.al/