Pas urdhrit të SPAK, Policia e Shtetit ka zhvilluar këtë mbrëmje një operacion për prangosjen e ish-kryeprokurorit Adriatik Lalla.
Ky aksion, duket qartë që është një show i parapërgatitur, duke kërkuar edhe praninë e mediave, e cila duhet të trasmetonte në kohë reale punën për kapjen e “peshkut të madh” në një shtëpi të pabanuar prej disa ditësh.
Operacionet nuk njoftohen, askush nuk i di veç Policisë së Shtetit. Mediat kryesore në vend gjendeshin aty, përpara portës së shtëpisë së Adriatik Llallës, duke filmuar aksionin policor.
Operacion spektakël i qendisur me detaje, ku policia fillimisht i bie ziles së portës, e më pas futen në banesën bosh të Llallës në Tiranë.
Që ish-kryeprokurori Adriatik Llalla nuk gjendej në shtëpi, këtë e dinte i madh e i vogël. Mediat vijonin raportimin LIVE teksa policia doli duarbosh, dhe teksa gazetarët e terrenit iu drejtonin pyetje efektivëve, asnjë prej tyre nuk dha përgjigje.
Në rrjet ka qarkulluar sot një foto ku shihet ish-kryeprokurori Llalla duke pritur trenin në Itali, thuhet se ndodhet në Romë.
Ky operacion nuk kishte gjë tjetër në fokus veçse për të treguar se ne jemi në lëvizje, pasi dihej se Llalla nuk ndodhej në shtëpi.
Nëse brenda afateve ligjore, Adriatik Llalla nuk arrestohet, atëherë policia do të detyrohet që ta shpallë atë person në kërkim dhe të nxjerrë urdhërarrest ndërkombëtar.
LEXO EDHE:
Apeli e dënoi me 2 vite burg – Mapo siguron foton, Llalla pret trenin në Itali
Etiketa: Adriatik Llalla, Mirgen Çela, ne kerkim nga policia, operacioni, spektakli i operacionit, urdhri i SPAK
