Kronika

Policia sqaron ngjarjen: Si u goditën efektivët mbrëmë në Vlorë






               Publikuar në : 10:00 - 22/07/19 |
mapo.al

Gjatë orëve të mbrëmjes së djeshme në një lokal afër Portit të Vlorës, punonjësit e Policisë kanë shkuar për të bërë shoqërimin e shtetasit A. C., 36 vjeç, si i dyshuar për një vepër penale.


Policia sqaron se në momentin që punonjësit e saj do kryenin shoqërimin e shtetasit A.C., 36 vjeç, kanë ndërhyrë për ti penguar shokët e këtij personi, të cilët kanë kundërshtuar me dhunë shoqërimin e tij në Polici, duke dëmtuar fizikisht punonjësit e policisë të cilët ndodhen në spital jashtë rrezikut për jetën.

Personat e përfshirë në konflikt kanë goditur policët, dhe dy prej tyre kanë mbërritur në Spitalin Rajonal të Vlorës ku po marrin ndihmën e parë mjekësore.

Në përfundim të veprimeve të kryera nga Specialistët e  Seksionit për Hetimin e  Krimeve të Komisariatit të Policisë Vlorë është bërë  arrestimi në flagrancë i shtetasve:

  • A. C 36 vjeç, banues në Vlorë
  • D. M., 25 vjeç, banues në Vlorë.
  • S. N., 23 vjeç, banues në Vlorë.
  • K. M., 22 vjeç, banues në Vlorë.

Materialet i kaluan Prokurorisë për veprime të mëtejshme.

Lexo edhe: 

Dalin pamjet/ Sherri në Vlorë ku plagosën dy efektivë policie


Etiketa: , ,

Pas