Kryetari i Komisionit të Integrimit, Genc Pollo reagoi lidhur me takimin e djeshëm të Këshillit të Stabilizm Asocimit Shpipëri BE.
Në një postim në Facebook, Pollo shkruan se “deklarata e Mogherinit, tregoi qartë se qeveria rilindiste është pengesë serioze për luftën ndaj krimit e korrupsionit dhe për rrjedhoje për integrimin e vendit në BE”
“Kontrasti sipas Mogherinit duket qartë:
1-në 2017 mirëpresin hapat, në 2018 ritheksojnë nevojën kritike për rezultate të prekshme;
2-në 2017 flitet në përgjithësi për krim e korrupsion, në 2018 për korrupsion në të gjitha nivelet;
3-në 2017 flitet vetëm për kanabis, në 2018 flitet për “drugs” pra narkotikë të tërë llojeve përfshi kokainën.
Edhe në këtë lagje të Brukselit dashamirëse me ta Rama e Bushati nuk ndërtojnë dot më Fasadën e Potjemkinit. Edhe kjo deklaratë tregon se qeveria rilindiste po bëhet gjithnjë e më shumë pengesë për hapjen e negociatave të antarësimit”, shkruan Pollo ne Facebook duke publikuar edhe dokumentet ne anglisht te takimit.
