Ministrja e Klimës së Polonisë ka bërë thirrje për sanksione të menjëhershme të gazit dhe naftës ruse. Anna Moskwa ka folur në takimin urgjent të ministrave të energjisë të Bashkimit Evropian në Bruksel.
Agjenda e sotme kishte të bënte me rezervat dhe furnizimet me naftë pas vendimit të kompanisë Gazprom që të ndalojë furnizimin për Poloninë dhe Bullgarinë , shkruan BBC.
“Ne do të përkrahim sanksionet e plota për të gjitha lëndët djegëse ruse. Ne tashmë kemi qymyr. Tani është koha për naftën dhe hapi i dytë është për gazin. Opsioni më i mirë është t’i marrim të gjitha së bashku”, ka thënë Moskwa.
Megjithatë, ministri i ekonomisë së Gjermanisë, Robert Habeck pranoi më herët se të gjitha vendet
anëtare ishin gati të miratonin një plan të tillë.
Burime diplomatike i kanë thënë BBC-së se po shikohen kompromise, veçanërisht për vende si Hungaria dhe Sllovakia.
