Pesë raste të reja me koronavirus janë konfirmuar këtë të premte në Korçë duke e rritur numrin e të infektuarve në këtë qytet.
Një nga rastet e konfirmuara është punonjës bashkie konkretisht në drejtoria e Urbanistikës. Burimet thonë se, i infektuari nuk ka qenë për një periudhë në punë dhe kjo ka bërë që puna atë vijojë normalisht në këtë institucion.
Ndërkaq rastet e tjera të konfirmuar në Korçë janë kontakte me të infektuarit e mëparshëm në këtë qytet. Numri i të infektuarve në Korçë ka arritur në 25.
Ndërkohë një ditë më parë në vendin tonë janë konfirmuar pozitivë me koronavirus 77 raste duke e çuar në 2269 nga të cilët 51 kanë humbur jetën.
