Aktualitet

Pozitiv 16 ditë pas vaksinës/ Mjeku Alimehmeti tregon pse u infektua Pipero














Bëni LIKE faqen zyrtare në Facebook
               Publikuar në : 14:07 - 27/01/21 |
mapo.al

Mjeku infeksionist Pëllumb Pipero njoftoi sot se kishte rezultuar pozitiv me koronavirus, pas testimeve të bëra një ditë më parë. Në datën 11 janar, Pipero bëri dozën e parë të vaksinës anti-COVID, ndërsa ishte në pritje për të bërë të dytën. 






Është mjeku epidemiolog Ilir Alimehmeti që deklaron se edhe në rast se një person bën dy dozat e vaksinës ndaj COVID-19, sërish ka mundësi të infektohet me koronavirus.


Duke folur për rubrikën ‘’Opinion’’ në News24, Alimehmeti tha se vaksina në 10-12 ditët e para nuk është në lojë, pra personi që i është injektuar mund të quhet në këto ditë i pavaksinuar.





Por sipas tij ka dhe raste të pashpjegueshme për të cilët nuk bëhet dot krahasim, por ai kujton se edhe Pfizer e ka deklaruar qartë se efektiviteti i vaksinës është 94.7%, pra përqindja që ngelet ka mundësi që vaksina mos jetë efektive.



Alimehmeti në këtë diskutim iu referua rastit të mjekut Pëllumb Pipero, i cili ka 16 ditë që ka marrë dozën e parë të vaksinës dhe sot rezultoi pozitiv me COVID-19.


”Megjithatë 10-12 ditët e para vaksina s’është në lojë, quhemi të pavaksinuar. Edhe kur ke bërë 2 dozat me procedurë rigoroze, është mundësia e infektimit.

Nuk e njoh situatën, duke marrë parasysh që nuk gjenerojmë dot të gjeneralizojmë. Ajo që kemi nga Pfizer, është ky informacion, kemi mesatare. Bëhet nga individë të ndryshëm. Ka dhe raste të pashpjegueshme. S’mund të bëjmë dot krahasim.

Do dokumentohet shumë shpejt situata ku jemi. Ajo që është e sigurt, është që vaksina prodhon përgjigje, nuk është 100%. Është diçka teknikisht e pritshme. Pra edhe total, edhe po ka bërë dy dozat siç duhet brenda 21 ditëve, Pfizer deklaron efektivitet 94.7%. Ka të infektuar edhe tek të vaksinuarit. 8 te të vaksinuarit, 162 tek të pavaksinuarit. Pra ishin rastet gjithsesi. Një dozë vetëm ofron më pak mbrojtje, prandaj është e pranueshme që shifrat të jenë më të larta. Izraeli ka vaksinuar 47% të popullsisë, efektiviteti me një dozë është 33%”, tha mjeku.

Lexo edhe :  Shifra të larta në Greqi, 96 viktima nga koronavirusi në 24 orët e fundit

PYETJA: A të zë virusi më lehtë vetëm nga vaksina?
Nuk është studiuar ende, shkon që të ketë klinikë më të lehtë. Por të dhënat nuk janë të sigurta. S’i ka as Pfizer, as FDA. Jemi në terren të paeksploruar.

PYETJA: E keni bërë vaksinën?
Jo ende. Nuk jam lajmëruar për ta bërë, por edhe sikur unë jam ndër ata më të rinj, pa sëmundje, e kalova në rrugë natyrale. Nuk jam prioritar. Janë mjekët ata më të vjetër, edhe që kanë ndonjë sëmundje. Kur të vijë radha e 40-50 vjeçarëve do e bëj. Prioriteti është për personalin në krye në radhë të parë. Në moshë të madhe mbi 60 vjeç.

LEXO EDHE: 

U vaksinua me 11 janar, Pëllumb Pipero infektohet me Covid-19

1


Etiketa: , , ,

CLOSE
CLOSE
Pas