fbpx

Aktualitet

PPE rezolutë për Shqipërinë: Zgjedhje pas Reformës Elektorale





               Publikuar në : 22:53 - 20/11/19 |
mapo.al

Popullorët Europianë zyrtarisht përmes një rezolute të miratuar në në samitin e Zagrebit kërkojnë zgjedhje të lira në Shqipëri pas miratimit të reformës zgjedhore.


Partitë Popullore Europiane bëjnë sërish thirrje që të zgjidhet kriza politike në vend. Në kongresin e tyre, ku i pranishëm ishte edhe kryetari demokrat, Lulzim Basha, u miratua një rezolutë.



Teksti i saj u lexua nga zëvendëspresidenti, David McAllister.


Të tejkalohet kriza politike me një dialog gjithëpërfshirës dhe një reformë elektorale që do hapë rrugën për zgjedhje të lira dhe të ndershme,” thuhet në tekst. Po ashtu, në rezolutë kërkohet respektimi i minoriteteve dhe të drejtës së pronës.

Ndërkohë, Lulzim Basha bëri thirrje në fjalimin e tij para Partive Popullore për mbështetje ndërsa u shpreh se vendi ndodhet në udhëkryq.

“Për të përmbushur vizionin tonë, ne duhet të punojmë së bashku.Shqipëria sot gjendet në një udhëkryq. Ne nuk mundet të përballojmë çmimin e lartë të katër vite të tjera si këto që lamë pas. Shqipëria meriton një të ardhme më të mirë.

Shqipëria meriton një të ardhme Europiane.Dhe me mbështetjen tuaj, kjo është ekzaktësisht ajo që ne do të arrijmë”, tha Basha.

Popullorët Europianë janë sot grupimi që ka shumicën në Parlamentin Europian dhe është ky grupim që ka zgjedhur edhe kreun e Komisionit Europian.


Etiketa: , , , ,

CLOSE
CLOSE
Pas