Një tjetër kandidat i Partisë Demokratike ka thyer vendimin politik të opozitës. Bëhet fjalë për kandidatin me numrin 35 në listën e Qarkut të Tiranës, Indrit Fatmir Hoxha, i cili ka dorëzuar sot formularin e vetëdeklarimit në Komisionin Qendror të Zgjedhjeve.
Indrit Hoxha mban funksione drejtuese në FRPD. Ai është Sekretar i Burimeve Njerëzore në Forumin Rinor të PD-së. Në CV-në e dorëzuar në KQZ ai thekson se ka punuar edhe si nëpunës i administratës shtetërore.
Në formularin e dekriminalizimit të dorëzuar në KQZ ai shkruan se është shoqëruar dy herë në Komisariatet e Policisë së Tiranës. Ndërkohë që vetëm njëherë është arrestuar me akuzën e “Shkatërrimit të pronës”.
Etiketa: Deputet, djegia e mandateve, Indrit Hoxha, KQZ, Kuvendi i Shqipërisë, opozita e re, pranon mandatin
