Kryetari i komanduar i PD-së Enkelejd Alibeaj nga Kryesia e Kuvendit, pas takimit me kreun e Grupit Parlamentar Socialist Taulant Balla, teksa foli rreth emrit të ri të Presidentit, i pyetur nga gazetarët nëse do të vazhdojë të këmbëngulë tek kushtet, u shpreh se nuk mund të arrihet në proces pa vendosur ca kritere para propozimit të emrit
“Kërkova pjesëmarrjen e domosdoshme tuajën për të parë se si ecën çështja. I kam kërkuar vetëm një gjë, çdo diskutim për qëndrimin tonë që nesër në orën 10:00 jeni të ftuar për të parë qëndrimin që kemi mbajtur ne si grup parlamentar”, theksoi kryetari i komanduar i PD-së. – “Po të lexoni me kujdes platformën është e logjikshme, ku thuhet të ketë një proces që të jetë në shërbim të shqiptarëve. Të kemi një proces parlamentar që të përçojë dëshirat e shqiptareve e për qytetarin e parë të shqiptarëve.’
I pyetur nëse Fatmir Mediu dhe Mesila Doda do të jenë pjesë e priocesit, Alibeaj theksoi: Nesër ajo sallë është e hapur për këdo që të vijë dhe të diskutojë në sytë e publikut qëndrimin tonë, edhe zoti Mediu edhe zonja Doda janë të ftuar të diskutojnë. Unë jam i bindur që ne të diskutojmë hap pas hapi. Unë e kuptoj shqetësimin e zotit Balla për të ecur shpejt e shpejt. Por Kushtetuta thotë që në 3 raundet e para duhen 84 vota. Ne kemi propozimin tonë, rregullat e para, pastaj emrat. Unë kam propozuar që propozimin ta bëjmë ne. Procesi me emra pa vendosur ca rregulla është jo serioz”.
A ka folur Alibeaj dhe a është konsoltuar me kryetarin e dorëhequr Lulzim Basha, sesi duhet të përballet PD-ja me PS-në, rreth çështjes së emrit të ri të Presidentit?
“Unë kam detyrimin të përcjellë rolin e secilit deputet që janë dakord me atë dokument. Shihemi nesër në orën 10:00 tek salla sipër”, u shpreh Alibeaj. /Liberale.al/
