Elbasani u trondit mbrëmjen e sotme nga një ekzekutim me armë zjarri në dalje të qytetit, rrugës kryesore për në Tiranë. Viktimë e atentatit mbeti Lulzim Bitri dhe Ardjan Çollaku 50 vjeç. Ky i fundit me një të shkuar kriminale, i dënuar në Itali për trafik lëndësh narkotike, por i skeduar edhe në Shqipëri për dhunë në familje
Zbardhet edhe kronologjia e atentatit mafioz. Ngjarja ka ndodhur rreth orës 19:00 në një lokal, pranë një pike karburanti.
Autorët që dyshohet se ishin dy, të maskuar dhe armatosur e kanë pritur shënjestrën të fshehur në makinë disa metra larg karburantit, por me fushëpamje të qartë, pasi si duket kishin informacion mbi lëvizjet e tij dhe prisnin që të vinte.
Në momentin që 50-vjeçari ka ardhur pranë karburantit ka parkuar makinën dhe sapo doli për të hyrë në ambientet e lokalit u qëllua.
Dëshmitarët kanë deklaruar se fillimisht është qëlluar njëherë, më pas është përballuar me breshërinë e kallashit, që i mori jetën në vend, pavarësisht tentativës së personave që ndodheshin në lokal për t’i ardhur në ndihmë.
Me shpejtësi “rrufe” atentatorët janë larguar në drejtim të fshatit Balldre duke djegur makinën për të humbur gjurmët.
Ende deri tani nuk ka asnjë të arrestuar. Policia ka ngritur postblloqe të shumta në hyrje dhe dalje të qytetit.
LEXO EDHE:
Etiketa: Ardian Çollaku, dinamika e vrasjes, dy viktima, Elbasan, Lulzim Bitri, vrasje
