Aktualitet

Pritja merr fund, hapet sot Rruga e Arbrit














Bëni LIKE faqen zyrtare në Facebook
               Publikuar në : 00:49 - 29/11/21 |
mapo.al

Në datë 29 Nëntor do të hapet Rruga e Arbrit, duke i dhënë fund kështu pritjes së gjatë për këtë vepër madhore infrastrukturore.






Tri ditë më parë ministrja e Infrastrukturës Belinda Balluku ishte në terren për të parë nga afër aksin pak orë përpara se të hapet për qarkullim.


Ministrja u bëri thirrje të gjithë drejtuesve të makinave që të bëjë kujdes gjatë qarkullimit, pasi rruga ende nuk ka përfunduar plotësisht.







“Po e hapim para afatit për të lehtësuar qarkullimin gjatë dimrit dhe padyshim jemi në kushtet e kantierit, kështu që duhet shumë kujdes nga drejtuesve të automjeteve përsa i përket kalimit këtu.




Kjo është një rrugë në verilindje të vendit, ku shpesh ka edhe reshje dëbore, prandaj duhet të kemi shumë kujdes në përdorimin e rrugës.



Në rastet kur do të ketë reshje dëbore do të detyrohemi që të mbyllim pjesën e “bypass”-it, pasi është një rrugë provizore e ndërtuar deri në momentin që do të mbarojë tuneli i Murrizit.

Me ARRSH nga kërkimet që kemi bërë nuk na rezulton më shumë se 5 ditë (në vit) me dëborë në tre vitet e fundit në malësinë e Tiranës në krahun që është bërë “bypass”.

Kur të ketë reshje, “bypass” do të mbyllet dhe do të përdoret rruga e vjetër, por në ditët e tjera do të jetë totalisht i hapur”, tha ministrja.

Rruga e Arbrit ka 6 tunele, 5 nga të cilët janë përfunduar dhe njëri është ende në proces.

Në Qafën e Murrizit ku ndodhet edhe tuneli më i gjatë trafiku do të devijohet përkohësisht. Në Rrugën e Arbrit ndodhet edhe ura më e lartë në Ballkan, “Ura e Vashës”, një vepër arti madhështore e ndërtuar me strukturë çeliku.

48


Etiketa:

CLOSE
CLOSE
Pas