Aktualitet

Probleme me pasurinë, shkarkohet nga detyra gjyqtari i Tiranës, Neritan Cena








Bëni LIKE faqen zyrtare në Facebook
               Publikuar në : 09:57 - 06/10/20 |
mapo.al

Gjyqtari i Gjykatës së shkallës së parë Tiranë, Neritan Cena shkarkohet nga detyra. Cena nuk e kaloi dot Vetingun.


Analiza e pasurisë ishte një ndër tre shtyllat e rivlerësimit për gjyqtarët e Komisionit të Pavarur të Kualifikimit, së bashku me kontrollin e figurës dhe vlerësimin e aftësive profesionale.


KPK zbuloi burime të pamjaftueshme pasurie dhe transaksione të dyshimta në shit-blerje makinash për gjyqtarin Cena.



Skeda grafike e mëposhtme paraqet ndryshimin e pasurisë së deklaruar të gjyqtarit Neritan Cena nga viti 2004 deri në fund të vitit 2017


Në deklaratën e parë të dorëzuar në vitin 2004, gjyqtari Cena deklaronte pasuri familjare prej 1.8 milionë lekësh. Ndërsa në fund të vitit 2017, pasuria familjare kap vlerën e 16.4 milionë lekëve.


Pjesa kryesore e pasurisë përbëhet nga pasuritë e patundshme me vlerë 13.1 milionë lekë. Cena deklaron edhe një automjet me vlerë 714 mijë lekë si dhe likujditete bankare prej 99 mijë lekësh, ndërkohë që shumatorja e kursimeve në cash të deklaruara ndër vite është 2.4 milionë lekë.

Të ardhurat familjare për periudhën deklaruese janë 27.7 milionë lekë, nga të cilat paga nga funksioni i gjyqtarit zë gati 45% dhe paga e bashkëshortes 26% të totalit. Rreth 21% e të ardhurave burojnë nga dhuratat e familjarëve, 4% nga të ardhurat nga qiraja dhe gati 2% nga shitja e makinave.

Neritan Cena ka përfunduar studimet e Magjistraturës në vitin 2005 dhe është emëruar gjyqtar në Gjykatën e Kurbinit. Në vitin 2006, ai u emërua në Gjykatën e Vlorës, ndërsa prej vitit 2010 e ushtron funksionin në Gjykatën e Tiranës. Cena ka qenë gjithashtu anëtar i Këshillit të Lartë të Drejtësisë.

 

 

 


Etiketa: , ,

Pas