Disa nga bandat më të rrezikshme shqiptare në Milano, mendohet se janë shkatërruar nga policia italiane. Bëhet fjalë për disa shqiptarë që kontrollonin trafikun e kokainës në Lenjano.
Në operacionin e koduar ‘Boxes’ u arrestuan 25 persona dhe u sekuestruan 400 mijë euro dhe 11 kilogram kokainë e pastër që ishin gati për t’u hedhur në treg. Në videon e publikuar nga karabinerët në Milano, dallohet se si shqiptarët bënin shitjen e kokainës dhe momenti i arrestimit të tyre.
Disa nga krerët e grupeve të arrestuar në Lenjano, mbanin pseudonime ‘Profesori’, ‘D’Artanjan’, ‘Mulo’, ‘Kojak’ dhe ‘Gjigandi’. Hetimet për këto grupe filluan midis 6-7 majit, ku fillimisht u arrestuan 15 persona dhe u shpallën në kërkim 3 të tjerë.
Sipas policisë 105 mijë euro iu gjetën grupit të ‘Gjigantit’, një shtetas shqiptar resident në Novareze. 120 mijë euro iu gjetën ‘Mulos’, trafikant që operonte në Turbigo, 60 mijë ‘Profesorit’ dhe 105 mijë euro grupit që kishte si shef ‘Kojakun’
