Aktualitet

Programi i qeverisë: Kush fiton më shumë, tatohet më shumë














Bëni LIKE faqen zyrtare në Facebook
               Publikuar në : 16:08 - 15/09/21 |
mapo.al

“Mirëqenie për të gjithë” është një nga shtyllat ku do të bazohet qeverisja e socialistëve në mandatin e tretë. Ky kapitull në programin e qeverisë nis me një zotim për ofrimin e mundësive të barabarta për të gjithë qytetarët, duke nënvizuar tatimin në bazë të fitimit.






“Ne besojmë që shoqëria ka detyrim të kujdeset për më të varfrit, dhe ata që kanë mundësitë më të pakta dhe ndjehen të përjashtuar ndaj mbetemi të angazhuar në parimin që ata që fitojnë më pak paguajnë më pak dhe ata që fitojmë më shumë paguajnë më shumë”.


Programi parashikon shpërblim dhe kushte më të mira pune për kategoritë e atyre që cilësohen si “shërbëtorë publikë” duke nisur nga mjekët, infermierët, zjarrfikësit, mësuesit, edukatorët, inxhinierët, punonjësit e rendit etj., të cilët kanë pasur një mision të vështirë gjatë tërmetit dhe pandemisë.







Një tjetër pikë ku qeveria do të fokusohet është programi për të rinjtë të cilët shihen si e ardhmja në fushat më të mira të arsimimit, duke nisur nga shkencat natyrore, teknologjia dhe inxhinieri, për të qenë sipërmarrësit e ardhshëm në fushat e inovacionit dhe teknologjisë duke konkurruar në tregun global.



Rilindja urbane shihet si fillimi i një transformimi në qendrat urbane në vend duke nisur nga Vlora, Shkodra, Korça, Berati dhe Gjirokastra ndërsa Tirana përmendet jo vetëm si kryeqendra e Shqipërisë por edhe pikë reference në rajon.



Plani i punës në mandatin e tretë do të shtrihet në fshat. Socialistët zotohen për më shumë investime në infrastrukturë, shërbime shëndetësore dhe arsimore, ujësjellës-kanalizime, transferim njohurish dhe inovacion në drejtim të agro-përpunimit, turizmit dhe mjedisit.

20


Etiketa: , ,

CLOSE
CLOSE
Pas