Aktualitet

Prokurori kërkon mbrojtje të posaçme – KLP: Të zbardhet urgjentisht ngjarja














Bëni LIKE faqen zyrtare në Facebook
               Publikuar në : 11:59 - 12/03/21 |
mapo.al

Prokurori Arjan Muçaj, i ka dërguar sot një kërkesë Këshillit të Lartë të Prokurorsië, pas ngjarjes së një nate më parë, ku makina e tij ka shpërthyer nga një sasi eksplozivi. Burime bëjnë me dije se Muçaj kërkon nga KLP mbrojtje të posaçme. Ai thotë se ndihet i kërcënuar së bashku me familjen e tij.






Ndërkohë, Këshilli i Lartë i Prokurorisë ka reaguar zyrtarisht për mediat lidhur me aktin kriminal që ka ndodhur mbrëmë kundër prokurorit Arjan Muça, prokuror pranë Gjykatës së Shkallës së Parë Gjirokastër i komanduar pranë KLP. Kjo e fundit thotë se ngjarja duhet zbardhur urgjentisht.


“Në pritje të përfundimit të hetimit, të cilit e presim me padurim, ajo që ka ndodhur dje mbrëmë në Tiranë duket si një sulm i shënjestruar ndaj prokurorit për shkak të funksionit të tij.







Si i tillë, ky sulm përbën një akt të papranueshëm që synon të intimidojë prokurorin dhe të cënojë mirëfunksionimin e sistemit të drejtësisë penale në luftën kundër krimit.




Këshilli i Lartë i Prokurorisë e konsideron çdo sulm kundër prokurorëve si një atentat terrorist ndaj sistemit të drejtësisë penale, rendit tonë juridik, vlerave tona shoqërore dhe mënyrës tonë të jetesës.



Për këtë arsye ne e konsiderojmë mbrojtjen e prokurorëve të Republikës si detyrën numër një të Këshillit. Në ushtrim të përgjegjësive tona kushtetuese për mbrojtjen e prokurorëve, në zbatim të ligjit “Për statusin e gjyqtarëve dhe prokurorëve në Republikën e Shqipërisë“, Këshilli do t’i sigurojë prokurorit Muça dhe familjes së tij mbrojtje të posaçme.

Gjithashtu, Këshilli iu bën thirrje të gjitha organeve ligj zbatuese të hetojnë me këmbëngulje dhe përparësi absolute ngjarjen e sotme për të arritur në zbardhjen e saj të plotë dhe të shpejtë.

Kjo është mënyra më e mirë për t’i dhënë përgjigjen e duhur krimit dhe për të parandaluar ngjarje të tilla në të ardhmen. Këshilli i Lartë i Prokurorisë do të ndjekë me interes punën e grupit hetimor deri në zbardhjen përfundimtare të ngjarjes dhe do të mbetet në gatishmëri për kryerjen e detyrave që ia ngarkon ligji.”-shkruan KLP.

LEXO EDHE: 

I shpërthyen makinën- Prokurori Muça: Eksplozivi ka lidhje me detyrën

1


Etiketa: , ,

Pas