Kreu i Urgjencës Kombëtare, Skënder Brataj, në një intervistë në “Top Talk”, tha se aktualisht po monitorohet situata e pandemisë në vend dhe po diskutohet në lidhje me masat anti-Covid.
Brataj tha se mendon që një mbyllje në orën 18:00 në këtë moment të pandemisë, do të ishte efektive.
“Nuk do të flisja për një karantinë pasi është e papranueshme në këtë moment, në këtë situatë dhe një vit pas epidemisë për një mbyllje totale sepse edhe shëndeti mendor dhe ekonomia e të gjithë sektorët e tjerë janë në një limit të ekuilibrit që mund të jetë subjekt i çdo shpërthimi apo interpretimi.
Personalisht do të isha për shtrëngim masash, kufizimi i disa aktiviteteve, i orareve më shumë si të gjithë Europa deri në orën 18:00 pasdite. Mendoj që baret e restorantet janë nga burimet më të mëdha dhe po të ishte për mua, do të kisha një kufizim më të madh. Për mbyllje totale nuk do të flisja. Procesi zgjedhor është një gjë që është bërë në shumë vende të botës dhe pamë që në nëntor kur ishte kulmi i valës së dytë, u bë dhe në SHBA kështu që do të këshilloja që t’i përmbaheshin rregullave”, tha Brataj.
