Një tjetër person bie pre e dhunës gjatë protestave të Hong Kongut. Ajo është një gazetare Indoneziane e cila po raportonte protestën ndërkohë që është qëlluar me një plumb gome në sy. Ajo u dërgua menjëherë në spital për të marrë ndihmën e parë ndërkohë që mjekët kanë deklaruar se ajo do të humbasë përgjithmonë shikimin në syrin e djathtë.
Sipas raportimeve të policisë, gazetarja u qëllua nga një largësi prej 12 metrash duke dëmtuar të dy sytë. Protestat anti-qeveritare vazhdojnë prej muajsh në Hong Kong por ato kanë përshkalllëzuar deri në përdorimin e armëve të zjarri nga ana e policisë.
Nga ajo çfarë ka deklaruar gazetarja pasi mori ndihmën e parë, tregon se disa çaste përpara se të qëllohej ajo komunikoi me policët duke i treguar që ishte gazetare dhe po raportonte. Por me sa duket fjalët e saj nuk arritën të ndalojë oficerin nga goditja.
Gazetarja e cila punon për gazetën në gjuhën indoneziane Suara ishte e veshur me mbrojtëse por përsëri nuk mundi t’i shpëtonte këtij dëmtimi.
