Udhëheqësi suprem i Iranit, Ayatollah Ali Khamenei ka fajësuar SHBA-në dhe Izraelin për protestat, që kanë përfshirë vendin pas vdekjes së një gruaje, e cila u dhunua nga policia, teksa ishte në paraburgim.
Në komentet e tij të para publike mbi trazirat, Ayatollah Ali Khamenei tha se, trazirat ishin nxitur nga armiqtë e mëdhenj të Iranit dhe aleatët e tyre.
Protestat janë sfida më e madhe gjatë sundimit të tij për një dekadë. Ai u kërkoi forcave të sigurisë të jenë gati për trazira akoma më të mëdha.
Shtetet e Bashkuara thanë se ishin të tmerruara nga reagimi i dhunshëm ndaj protestave. Presidenti Joe Biden tha se, ishte shumë i shqetësuar për raportet për intensifikimin e shtypjes së dhunshme ndaj protestuesve paqësorë.
“Protestuesit po bënin thirrje për parime të drejta dhe universale”, tha ai, duke shtuar se SHBA qëndrojnë me gratë iraniane të cilat po frymëzojnë botën me trimërinë e tyre.
“Në vend që të fajësojnë aktorët e jashtëm për trazirat, ata duhet të marrin përgjegjësinë për veprimet e tyre dhe të dëgjojnë shqetësimet e popullit të tyre”, deklaroi Mbretëria e Bashkuar, duke thirrur diplomatin më të lartë të Iranit në Londër për t’u thënë udhëheqësve të tyre në Teheran.
