Partia Socialiste ka mbledhur sot në 10:00 grupin e saj parlamentar për çështjet më të fundit politike.
Në mbledhjen që do të kryesohet nga Taulant Balla, do të ketë disa tema që do të diskutohen.
Burimet në media raportojnë se përveç zgjedhjeve të 25 prillit, organizimit të fushatës dhe raportimeve javore nga drejtuesit politikë, prioritet mbetet reflektimi i ndryshimeve kushtetuese në Kodin Zgjedhor.
PS tashmë ka propozuar draftin e saj dhe ka premtuar me anë të përfaqësuesit të saj, Damian Gjiknurit që deri më 30 shtator kjo çështje do të përfundojë.
Po ashtu pritet edhe një datë e mundshme për Asamblenë e PS, prej të cilës do të dalë dhe Kryesia që do të jetë përgjegjëse e organizimit të zgjedhjeve.
Gjithashtu në 11:00 Komisioni i Ligjeve diskuton dekretin për kthim nga Meta të ligjit për pronat e paluajtshme.
