Kryesia e Partisë Socialiste është duke zhvilluar një mbledhje në selinë rozë. Pjesë e këtij takimi është edhe Kryeministri Edi Rama. Në fokus të diskutimeve pritet që të jetë organizimi i Kongresit të Partisë Socialiste që do të zhvillohet më 9 prill.
Megjithatë nuk përjashtohen diskutimet për situatën në selinë rozë me Alqi Bllakon, për të cilin SPAK ka kërkuar arrestim si pjesë e dosjes së inceneratorëve. Ditën e sotme Bllako ka dorëzuar mandatin në Kuvend.
Ndërkohë mazhoranca ka përsëritur qëndrimin distancues nga çdo anëtar i saj që ka probleme me drejtësinë.
“Qëndrimi ynë është i qartë, çështjet e drejtësisë janë çështje të drejtësisë. Kushdo që shkel ligjin çështjet penale janë individuale”, tha ministri Ulsi Manja në një prononcim ditën e sotme.
