Partia Socialiste do të mbledhë sot Grupin e saj Parlamentar ku deputetët do të propozojnë emrat e tyre për presidentin e ri. Sipas BW se mbledhja do të nisë në orën 10:00 në selinë rozë.
PS ka ngritur një grup pune që do të zhvillojë konsultimet me grupet e tjera e parlamentare në Kuvend, për të përzgjedhur një emër konsensual, ndërsa të mërkurën thuhet se do të ulet në një tryezë me opozitën.
Maxhoranca ka mandatuar kreun e grupit parlamentar të PS-së, Taulant Ballën, Elisa Spiropalin dhe Damian Gjiknurin në grupin e punës, që do të menaxhojnë procesin për zgjedhjen e presidentit të ri të vendit. Kujtojmë se Ilir Metës i mbaron mandati i presidentit më 24 korrik.
