Mediat e huaja në SHBA dhe Britani i janë referuar një artikulli të “Associated Press” duke i bërë jehonë vendimit të Dua Lipës, për të kënduar në Tiranë.
Një festival ndërkombëtar muzikor i themeluar nga babai i kantautores me famë botërore, Dua Lipa, për të promovuar vendlindjen e tij Kosovën, ka çuar në akuza për vendin e vogël evropian pasi humbi shansin për të pritur festivalin ndaj Shqipërisë fqinje.
Festivali “Sunny Hill” bëri debutimin në kryeqytetin e Kosovës, Prishtinë, në vitin 2018 dhe u zhvillua sërish në vitin 2019, duke sjellë artistë si Miley Cyrus, Calvin Harris, Martin Garrix dhe Action Bronson, në një nga shtetet më të reja dhe më të varfra të Evropës.
Dua Lipa, me origjinë nga Kosova dhe që jeton në Britani, ishte pjesë kryesore e festivalit.
Dukagjin Lipa, babai dhe menaxheri i këngëtares, tha se festivali i solli Kosovës publicitet të paçmuar, duke përfshirë mbulimin në më shumë se 500 mediave ndërkombëtare. Festivali u pezullua në 2020 dhe 2021, për shkak të pandemisë së koronavirusit.
Është vendosur të rikthehet këtë verë, por Lipa tha të martën në mbrëmje se “pas një pritjeje të gjatë, si dhe shumë përpjekjeve”, ajo kishte marrë “një vendim të vështirë por të nevojshëm” për të organizuar festivalin nga 4 deri më 7 gusht në kryeqytetin e Shqipërisë, Tiranë. Gjithashtu ajo tha se një mosmarrëveshje politike midis partisë në pushtet të Kosovës i pengoi organizatorët të merrnin lejen për të mbajtur festivalin.
Dua Lipa dhe drejtorët e tjerë të festivalit kishin kaluar tre vjet duke u përpjekur të bindnin qeverinë e Kosovës që t’i lejonte ata të menaxhonin një sipërfaqe prej 17 hektarësh në shesh, si dhe të ndërtonin infrastrukturën e duhur për festivalin.
Kryebashkiaku i Prishtinës, Përparim Rama, i Lidhjes Demokratike të Kosovës në opozitë, ishte në favor të mbajtjes së festivalit muzikor. Ai akuzoi qeverinë, e cila drejtohet nga Lëvizja Vetëvendosje!, se ka vonuar vendimin dhe ka tentuar të ndryshojë vendimin e këshillit bashkiak.
Ministri i kulturës i Kosovës Hajrulla Çeku, tha se pengesa erdhi nga organizatorët e festivalit që kërkonin një koncesion 99-vjeçar. Qeveria nuk mund të nxitonte në një marrëveshje të tillë dhe “procesi i vendimmarrjes kërkon kohë që të jetë i plotë dhe jo i gabuar apo abuziv,” – tha Çeku.
Megjithatë, Lipa ia atribuoi vonesën një lufte për pushtet midis Lëvizjes Vetëvendosje në pushtet! dhe Lidhjes Demokratike të Kosovës “në kurriz të festivalit pavarësisht dobisë që krijon për imazhin e shtetit dhe vlerat që përfaqëson shoqëria e tij”.
Sido që të jetë, lëvizja e festivalit nuk u ka pëlqyer njerëzve në Kosovë. Një parti tjetër opozitare, Aleanca për Ardhmërinë e Kosovës, kërkoi dorëheqjen e qeverisë që “humbi festivalin që do të promovonte Kosovën”, tha Besnik Tahiri, një lider i lartë i partisë.
Kryetari i Bashkisë së Tiranës Erjon Veliaj i tha “Associated Press” se qeveria e tij ofroi menjëherë kryeqytetin e Shqipërisë “si një zëvendësim në një përpjekje për të mbajtur festivalin ndërkombëtar në një qytet të madh shqiptar.” Shqiptarët etnikë përbëjnë shumicën e popullsisë së Kosovës.
Si provë, se Festivali Summer Hill është në vendin e duhur, kryebashkiaku vuri në dukje se për këtë Bashkimi Evropian emëroi Tiranën si kryeqytetin rinor të BE-së. Ai përmendi edhe disa VIP-a me rrënjë shqiptare, nga humoristi i ndjerë Xhim Belushi e deri te e ndjera Nënë Tereza, e njohur tashmë si Shën Tereza e Kalkutës.
“Dua Lipa dhe festivali i saj bëjnë po aq, nëse jo më shumë, në promovimin e një kombi”, tha Veliaj.
