Kryeministri i Maqedonisë Veriore, Zoran Zaev, ka postuar në Facebook një fotografi, ku shihet së bashku me kryeministrin shqiptar Edi Rama dhe kryetarin Këshillit të Ministrave të Bosnje dhe Herzegovinës, Denis Zvizdiç duke ngrënë iftar.
Zaev thotë se fotografia është bërë në Sarajevë, me ftesë të zyrtarit boshnjak. Darka është zhvilluar në kuadër të muajit të shenjtë të ramazanit për besimtarët muslimanë.
Postimi i kryeministrit të Maqedonisë Veriore Zoran Zaev:
Me ftesë të Kryetarit të Këshillit të Ministrave të Bosnje dhe Herzegovinës, Denis Zvizdiç, mora pjesë në darkën e Iftarit në Sarajevë së bashku me Kryeministrin e Shqipërisë, Edi Rama.
Ditët e agjërimit të Ramazanit janë një kujtesë se dashuria, respekti, solidariteti, mirësia, dashuria dhe falja janë vlera që duhet t’i respektojmë dhe që na bashkojnë si popuj.
