Mediat greke kanë publikuar pamje nga momenti, kur një shqiptar dhe një grek kanë dhunuar një biznesmen të njohur në Mykonos.
Biznesmeni Thodoris Kousathanas është rrahur në një rrugë kryesore në zonën e Vidës nga bashkëkombësi i tij i shoqëruar nga një shqiptar.
Siç shihet në video, autori zbret nga automjeti dhe gjuan vazhdimisht në kokë dhe trup biznesmenin. Në video shihet që shqiptari i ka ardhur në ndihmë agresorit, i cili kërkon të largohet për t’u fshehur pasi është parë nga kalimtarët.
Kousathanas që ka humbur ndjenjat dhe është transportuar në një spital privat për ndihmën e parë.
“Vëllai im tani është mirë, por është i tronditur nga kjo histori. Ishte një tjetër që e priti, ai që u arrestua. Makina që shohim është e vjedhur. Autori është larguar të njëjtën ditë me avion dhe i arrestuari e ka pritur në një vend tjetër”, ka thënë vëllai i biznesmenit për televizionin MEGA.
