Vladimir Putin tha se pothuajse 5 mijë persona janë vrarë në luftën mes Azerbajxhanit dhe forcave armene për rajonin e pretenduar nga të shtetet, Nagorni-Karabakhut.
Kjo shifër e deklaruar nga presidenti rus është shumë më e lartë se numri i të vdekurve të dhënë nga të dyja palët.
Putin tha se ai ka relata me të dyja palët dhe nuk do të mbështesë asnjërën prej tyre në konflikt. Ai tha se “Moska nuk pajtohet me Turqinë, e cila mbështet Azerbajxhanin, në lidhje me konfliktin”.
Presidenti rus gjithashtu u bëri thirrje Shteteve të Bashkuara për të ndihmuar në ruajtjen e paqes në rajon.
Armenia dhe Azerbajxhani kanë akuzuar njëra-tjetrën për shkelje të armëpushimeve humanitare në Nagorni-Karabakh.
Luftimet u ndezën muajin e kaluar mbi territorin, i cili është njohur ndërkombëtarisht si pjesë e Azerbajxhanit, por drejtohet nga Armenët etnikë.
Kujtojmë se ky konflikt konsiston në më të rëndin në rajon pas atij të vitit 1994 që përfundoi më një armëpushim.
Rusia është në një aleancë ushtarake me Armeninë dhe ka një bazë ushtrie në vend. Por gjithashtu ka lidhje të ngushta me Azerbajxhanin.
Autoritetet qeverisëse të Nagorni-Karabakh thanë se 874 e personelit të tij ushtarak dhe 37 civilë kanë humbur jetën që nga 27 shtatori. Azerbajxhani thotë se 61 civilë azerbajxhanë janë vrarë, por nuk ka njoftuar viktimat e tij ushtarake.
Putin shtoi se ai është në komunikim “të vazhdueshëm” me Kryeministrin Armen, Nikoll Pashinyan dhe Presidentin e Azerbajxhanit, Ilham Aliyev dhe nuk do të mbante anën e askujt.
Bisedimet midis Armenisë dhe Azerbajxhanit pritet të zhvillohen në Uashington të premten, kur Sekretari i Shtetit i SHBA, Mike Pompeo do të takohet me ministrat e jashtëm të të dy vendeve.
SHBA, Rusia dhe Franca janë bashkë-kryetarë të grupit të ndërmjetësimit të OSBE-së në Minsk, i cili ka bërë thirrje për një armëpushim.
Ndërkohë që luftimet vazhdojnë dhe asnjë nga palët nuk pranon armëpushimet, Kryeministri i Armenisë ka thënë se nuk ka zgjidhje diplomatike në këtë fazë./BBC/
Përshtati: Mapo.al
