Në orët e para të mëngjesit të kësaj të marte, persona të paidentifikuar kanë hapur zjarr drejt një banese në Selenicë të Vlorës. Policia njofton se ngjarja ka ndodhur rreth orës 01:00 të mëngjesit të sotëm, ndërsa mësohet se plumbat kanë prekur muret e jashtme të shtëpisë.
Fatmirësisht nuk raportohet për persona të lënduar. Banesa është e pronë e një 26-vjeçari të identifikuar si Xhuljo Marra, i cili nuk njihet si person me precedent.
Grupi hetimor ndodhet në vendngjarje ku po kryen veprimet e mëtejshme hetimore në lidhje me identifikimin dhe kapjen e autorit.
