Aktualitet

Qëllon me armë zjarri në ajër, arrestohet 35-vjeçari në Korçë





Bëni LIKE faqen zyrtare në Facebook
               Publikuar në : 21:09 - 14/07/20 |
mapo.al

Një 35-vjeçar ka rënë në prangat e policisë, pasi akuzohet se qëlloi me armë zjarri në ajër. Ngjarja ndodhi në lagjen nr.4 të qytetit të Korçës.


Burime bëjnë me dije se nuk ka patur një konflikt ndërsa për personin në fjalë tregojnë se është problematik dhe një emër i njohur nga policia.


Menjëherë pas sinjalit, policia ka shkuar drejt vendngjarjes ndërsa mësohet se i riu është shoqëruar në komisariatin e Korçës për veprime të mëtejshme procedurale.


35-vjeçarit i është sekuestruar edhe arma me të cilën ka qëlluar. Mbeten ende të paqarta arsyet që kanë çuar këtë person të qëllojë me armë zjarri në ajër.


Njoftimi i Policisë: 

Qëllon në ajër me armë zjarri, falë reagimit në kohë të shërbimeve të Policisë, identifikohet dhe arrestohet në flagrancë 32-vjeçari.

Shërbimet e Policisë pas marrjes së njoftimit se një shtetas po qëllon me armë zjarri në ajër në lagjen nr. 4, Korçë, kanë organizuar punën dhe falë reagimit të shpejtë e profesional kanë bërë të mundur identifikimin, kapjen dhe arrestimin në flagrancë të autorit, konkretisht shtetasit F. P., 32 vjeç, banues në Korçë.

Shërbimet e Policisë, i kanë gjetur këtij shtetasi edhe armën e zjarrit tip pistoletë me të cilën ky shtetas kishte qëlluar në ajër.

Materialet i kaluan Prokurorisë Pranë Gjykatës së Shkallës së Parë Korçë për veprime të mëtejshme.


Etiketa: , ,

Pas