Aktualitet

Qëlluan me breshëri plumbash në drejtim të hotelit në Tushemisht, policia ndalon njërin prej autorëve(VIDEO)








Bëni LIKE faqen zyrtare në Facebook
               Publikuar në : 10:24 - 09/08/20 |
mapo.al

Policia ka ndaluar Mariglen Topuzin, 34 vjeç, i cili është njëri prej të dyshuarve të ngjarjes së ndodhur dje pranë një hoteli në fshatin Tushemisht.


Topuzi ka qenë i dënuar më herët për shkatërrim prone me armë zjarri. Ndërsa janë shpallur në kërkim 3 bashkëpunëtorët e tij, të identifikuar si;


Irijan Berberi, 52 vjeç; Merad Berberi, 34 vjeç dhe B. S., 28 vjeç.


Pas një konflikti të mëparshëm me pronarin e hotelit dhe djalin e tij, të dyshuarit më 1 gusht kanosën djalin e pronarit, J.M, 20 vjeç. Ndërsa dje qëlluan me armë zjarri përpara hotelit, duke shkaktuar dëme materiale në godinën e hotelit dhe 7 automjete të parkuara pranë tij.


Njoftimi i Policisë:

Pogradec

Ndalohet njëri nga autorët e dyshuar të ngjarjeve të ndodhura më datë 01.08.2020 dhe më datë 08.08.2020, pranë një hoteli në fshatin Tushemisht.

Shpallen në kërkim edhe 3 bashkëpunëtorët e dyshuar të tij.

Sekuestrohen 1 mjet motor, 2 skafandra të përdorura nga autorët, municion luftarak, pamje filmike dhe prova balistike.

Specialistët për Hetimin e Krimit në Komisariatin e Policisë Pogradec, nën drejtimin e Prokurorisë të Rrethit Gjyqësor Pogradec, në vijim të punës për zbardhjen dhe dokumentimin e dy ngjarjeve të ndodhura më datë 01.08.2020, si edhe mëngjesin e djeshëm, pranë një hoteli në fshatin Tushemisht, bëë të mundur kapjen dhe ndalimin e shtetasit:

  • M. T., 34 vjeç, banues në fshatin Buçimas, Pogradec (i dënuar më parë për veprën penale “Shkatërrimi i pronës me zjarr”).

Si edhe u shpallën në kërkim shtetasit:

  • I. B., 52 vjeç, banues në Tiranë.
  • M. B., 34 vjeç, banues në Pogradec.
  • B. S., 28 vjeç, banues në Pogradec.

Nga tërësia e veprimeve intensive hetimore të kryera, dyshohet se këta shtetas pas një konflikti të mëparshëm me pronarin e hotelit dhe djalin e tij, në bashkëpunim midis tyre, më datë 01.08.2020, kanë kanosur me armë zjarri përpara hotelit, shtetasin J. M., 20 vjeç, si edhe më datë 08.08.2020, kanë qëlluar me armë zjarri në drejtim të hotelit në pronësi të shtetasit J. M., 47 vjeç, ku u shkaktuan dëme materiale tek godina e hotelit dhe 7 automjete të parkuara pranë tij.

Në cilësinë e provës materiale u sekuestrua 1 mjet motor tip “Suzuki”, pa targë, 2 skafandra të përdorura nga autorët, ku janë fiksuar prova biologjike dhe balistike të tyre, fishekë luftarakë, si edhe pamje filmike të filmuara nga kamerat e sigurisë.

Vijon puna për sqarimin e mëtejshëm dhe kapjen e tre personave të tjerë të shpallur në kërkim, të dyshuar si të implikuar në këto ngjarje.

Materialet i kaluan Prokurorisë Pranë Gjykatës së Shkallës së Parë Pogradec për veprat penale “Kanosja”, “Shkatërrimi i pronës me mjete të tjera”, “Prishja e qetësisë publike”, “Armëmbajtja pa leje”.


Etiketa: ,

Pas