Kjo video e rrallë tregon momentet e duelit të fundit mes zotërinjve në Francë. Në video shfaqen dy politikanë francezë duke luftuar për nderin e tyre më 20 prill të vitit 1967.
Dueli me shpata u zhvillua mes kryebashkiakut të Marsejës, Gaston Defferre dhe një tjetër politikani, të quajtur Rene Ribiere.
Beteja u zhvillua për shkak se Defferre i kishte thënë politikanit Ribiere: “Qepe gojën, budalla”.
Defferre refuzoi të kërkonte falje, kështu që Ribiere e sfidoi në betejë në një pronë private në perëndim të Parisit. Ndeshja u arbitrua nga Jean de Lipkowskiin, në atë kohë Ministër i Jashtëm.
Ribiere pritej të martohej një ditë më pas, prandaj Defferre u zotua që të mos e vriste, por ta plagoste në mënyrë që ai të mos e shijonte natën e martesës.
Në fakt ai i dha disa goditje në krah Ribiere. Ky i fundit nuk u zmbraps dhe vazhdoi betejën. Pasi Defferre e goditi sërish rivalin 12 vjet më të ri në moshë, ministri e ndërpreu betejën.
Nuk dihet se çfarë efekti patën plagët në dasmën e Ribiere, por dihet se të dy politikanët vazhduan të jetojnë.
