Komisioneri për Zgjerim në Bashkimin Evropian, Oliver Varhelyi, ka uruar përmes një postimi në “Twitter” kryeministrin Edi Rama dhe qeverinë shqiptare për marrjen e detyrës pas betimit në Presidencë ditën e sotme.
Varhelyi shkruan në mesazhin e urimit se mezi pret të fillojë punën me qeverinë e re për integrimin e Shqipërisë në BE dhe thekson se shteti i së drejtës duhet të jetë në rendin e ditës së kësaj mazhorance.
Gjithashtu Varhelyi e vë theksin tek një dialog konstruktiv mes aktorëve të brendshëm, si një çelës të fortë për integrimin në Bashkimin Europian.
“Urime Edi Rama dhe qeverisë shqiptare në marrjen e detyrës. Pres me padurim të punoj me ju dhe pres që integrimi në BE dhe sundimi i ligjit të shfaqen në rendin e ditës. Dialogu konstruktiv politik dhe çelësi i fortë koordinimi për anëtarësimin në BE”, shkruan Varhelyi në Twitter.
LEXO EDHE:
Morën “bekimin” e Metës, Rama dhe ministrat në këmbë drejt kryeministrisë
