Tri koncerte të muzikës pop do të mbahen brenda një dite në Gjermani për t’iu krijuar mundësinë shkencëtarëve të hetojnë rreziqet gjatë eventeve të tilla në periudhën e pandemisë.
Rreth 4,000 vullnetarë të shëndetshëm nga 18 deri 50 vjeç janë regjistruar për të marrë pjesë në këtë eksperiment që do të mbahet në Leipzig dhe që organizohet nga Universiteti i Halle.
Kantautori Tim Bendzko pranoi të performojë në të tria koncertet njëri pas tjetrit.
Koncerti studimor është quajtur “Restart-19” dhe u mendua të kryhej për të hetuar kushtet se si organizimet të tilla mund të mbahen gjatë pandemisë.
Shkencëtarët kanë menduar të provojnë tre skenarë të ndryshëm me rreth 4,000 vizitorë në “Quarterback Immobilien Arena” në Leipzig.
E para synon të stimulojë një ngjarje para pandemisë; e dyta me higjienë më të lartë dhe një distancim shoqëror dhe i treti me gjysmën e pjesëmarrësve dhe me secilin person që qëndron 1.5 metra larg.
