Kryeministri Edi Rama është treguar shumë i ashpër sot me panelistët e debateve politike të darkës.
Teksa i përshkroi si zakonisht me epitetet e Migjenit, si derra të nginjur që shtrihen e zhgërryhen nëpër studio dhe helmojnë popullin, shkoi edhe më tej, ku i akuzoi ata, si të kapur, të korruptuar dhe të inkriminuar, më shumë se sa mafia vetë për të cilën flasin e tjerrin.
Të gjitha këto komente, Rama i bëri pasi u pyet lidhur me zbardhjen e përgjimeve të Ndraghetës, ku del se ka pasur kontakte mes eksponentëve të këtij klani me zyrtarë të lartë të rilindjes për pastrimin e parave.
Kryeministri pasi ka lexuar konkluzionet e prokurorisë antimafia, ku citon se ata kanë dështuar të bëjnë biznes në Tiranë, është shprehur nervoz ndaj medias dhe ndaj analistëve.
Rama shfryu inatin ndaj panelistëve të darkës, ku shtoi se ata janë sigurisht më të korruptuar e të inkriminuar se mafia vetë, dhe po e po, se ai dhe gazetarët që ishin në lidhje on line në këtë konferencë për shtyp.
Etiketa: Akuzat ndaj medias, analistët, Edi Rama, Ndragheta, Video
