Kryeministri Edi Rama tha gjatë mesditës së sotme, në një konferencë për mediat, se një deputet socialist është tërhequr nga gara në qarkun e Vlorës, pa i përmendur emrin.
“Kam dijeni për një rast mbrëmë vonë, një kandidat që ishte shumë i bindur që nuk duhet të ishte aty dhe që thoshte se unë do bëj gjithçka, po nuk dua të jem në këtë pozicion”, – u shpreh Rama.
Mapo mëson se kandidati i larguar është deputeti aktual i Vlorës, Alket Hyseni.
Hyseni e ka refuzuar ftesën e Ramës pasi i ka premtuar një vend të pasigurtë në listë; konkretisht vendin e 11-të.
Mapo po ashtu mëson se në vend të tij do të jetë ish-zëvendës ministri i Ekonomisë dhe Energjitikës, Leonard Beqiri.
Kujtojmë se Hyseni i bashkangjitet disa emrave të njohur dhe me kontribut në Partinë Socialiste, që vendosën të tërhiqen nga kandidimi, si: Musa Ulqini, Eglantina Gjermeni, Vasilika Hysi, Sadri Abazi e Besnik Bare.
