Një panoramë të trishtë të situatës politike, ekonomike dhe sociale të vendit bëri sot në sallën e Kuvendit, kryetarja e LSI-së, Monika Kryemadhi, për të cilën bëri përgjegjës kryeministrin e vendit Edi Rama.
Sipas saj, vendi po kthehet në rrugë kalimi për drogat e forta, ndërkohë që përfitimet ndahen mes një grushti oligarkësh. Për qytetarët tha ajo, ka situata si në Shkodër ku përmbyten çdo vit dhe si në Kukës e më gjere që përballen me taksa për një rrugë të ndërtuar mbi kurrizin e shqiptarëve.
“Shkodranët cdo vit jetojnë nën pushtetin e ujit. Rruga e Kombit që lidhi vëllezërit e gjakut rrezikon të kthehet në vijën e demarkacionit. Veriu po paguan sërish taksën e izolimit. Motja e tij është: Shqipëria në shitje. Kështu bëri me kanabisi, sot po e kthen Shqipërinë në vend tranzit të drogave të forta”, akuzoi kryetarja e LSI-së.
Më tej, ajo u ndal në akuza konkrete dhe tha se Rama është nga ata që për karrigen e tij nuk kursen as familjarët.
“Edhe pse s’ka vënë kufje, s’ka vesh për të dëgjuar, le të vendosë syzet për të parë. Ata që e këshillojnë e dëgjojnë e dinë më mirë se sa unë që ai s’ka asnjë lloj ndjesie. Ai nuk i ka kuptuar dhe dëgjuar ndonjëherë. Ata e dinë mirë se për të ruajtur karrigen nuk ka kursyer as familjarët e tij”, vijoi ajo.
Por kryeministri dukej më i preokupuar me ministrat e tij. Siç tregojnë fotot e Mapo Image, ai dukej më i angazhuar për diçka që po mundon kabinetin qeveritar.
Pasqyra me e bukur e shqiperise, mesuesi i anglishtes, i shpjegon shifrat mesuesit te vizatimit