Duke iu përgjigjur sot pyetjeve lidhur me zbardhjen në media të përgjimeve të Ndraghetës dhe kontakteve të saj me zyrtarë të lartë të qeverisë, projektet për pastrim parash e për të bërë biznes, Rama ka theksuar disa herë konkluzionin e këtyre akteve, ku siç ka lexuar, del se pas më shumë se 1 viti, personat nuk ja dolën të bëjnë asgjë në Shqipëri, përvecse hapën një dyqan të vogël.
Por i pyetur nga gazetarët, pse atëherë duhet t’i besojmë asaj që tha Taulant Balla, i cili një ditë më parë, pikërisht lidhur me këto përgjime, fajësoi Lulzim Bashën, dhe Ilir Metën, Rama u shpreh se ai ka të njëjtën përgjigje.
Komentet e Taulant Ballës, Rama la të kuptohej si i përkasin edhe ato pjesës së baltës dhe zallamahisë.
Kryeministri u shpreh se ai nuk do të kishte fare vullnet e dëshirë për të mbrojtur Ilir Metën apo këshilltarin e tij, ose Lulzim Bashën për njohjen që ka me eurodeputetin italian, po edhe ato pjesë, Rama i përfshiu pikërisht tek shpifjet dhe vorbulla mediatike.
Etiketa: Edi Rama, Ndragheta, shpifjet, Taulant Balla
