Kryeministri Edi Rama ka pritur sot në “Rinas” 8190 doza të tjera të Pfizer. Rama u shpreh se deri më sot vaksina e Kinës dhe ajo ruse, nuk rezulton se kanë shfaqur ndonjë problem.
Kryeministri theksoi se vaksina kineze rezulton shumë e mirë. ““Nuk i kemi këto vaksina në dispozicion dhe ne po i refuzojmë. Nuk kemi hedhur dhe nuk do të hedhim hapa formalë në drejtim të këtyre dy burimeve sepse jemi të vetëdijshëm se janë hapa që nuk kanë arsye objektive që të na çojnë në rezultat.
Nga të dhënat që kemi nga Turqia dhe Emiratet e Bashkaura Arabe, rezulton se vaksina kineze është shumë e mirë, nuk ka probleme.
Por nëse duam të blejmë këtë vaksinë, nuk është se ka doza të treg. Edhe vaksina ruse rezulton pozitive. S’ka treguar probleme. Sot nuk është se ka vaksina në treg që mund të blejmë nga këto vende.
Ka mungesë të dozave në treg, përvçse çmimi është rritur, por pavarësisht kësaj, nuk ka”, – theksoi Rama.
Etiketa: Rama, Vaksina Kineze, Vaksina ruse, Video
