Kryeministri i Shqipërisë, Edi Rama nga Forumi Strategjik i “Bledit” në Slloveni i kërkoi Bullgarisë që të heqë veton për Maqedoninë e Veriut, për t’i hapur rrugën Shkupit dhe Tiranës për çeljen e negociatave.
Ndërkohë Ramës i është përgjigjur Presidenti i Bullgarisë, Rumen Radev duke thënë se Bullgaria është pro zgjerimit por sipas tij duhet që çështjet të zgjidhen një herë e mirë në mënyrë që të ketë stabilitet brenda Bashkimit Europain.
Presidenti i Bullgarisë, Rumen Radev ka ftuar në dialog Shqipërinë e Maqedoninë e Veriut për hapjen e negociatave.
Radev siguron se Bullgaria nuk është roja që nuk i lejon për të hyrë në BE prandaj mbetet e hapur dhe çelësi është në dorë të vendeve pretendente.
Sipas Presidentit bullgar, ka dy rrugë për të arritur qëllimin, ose turneu i këtyre vendeve në vendet anëtare dhe institucioneve të BE për të bindur Bullgarinë, ose të ulen në dialog me vetë Bullgarinë.
Më tej me tone ironike, Rumen Radev duke iu drejtuar Ramës ka përmendur presidentin e Serbisë Aleksandër Vuçiç, duke thënë se edhe pse në këtë forum flitet për integrimin e Ballkanit Perëndimor, ai nuk është i pranishëm.
Rumen Radev: Na është dashur shumë kohë të diskutojmë çështjet në mënyrë të hapur. Faleminderit Edi që më në fund e the haptazi dhe e përmende. Që të jemi më konkret. Aleksandër Vuçiç është ftuar të diskutojë të ardhmen e vendit të tij në BE dhe nuk është këtu. Unë jam këtu dhe ai nuk është. Unë që jam përfaqësues i një vendi që është pjesë e BE.
Çfarë të ardhme do kemi? Bullgaria është mbështetësi më i fortë i procesit të zgjerimit por ky proces dëshirojmë që të jetë stabël dhe i pakthyeshëm. Për të vazhduar këtë duhet të kthehemi tek vlerat tona. Të rinjtë tanë do takohen të lirë dhe pa fjalë urrejtje dhe duke e njohur njëri-tjetrin duke përjashtuar gjuhën e urrejtjes. Dhe ky ishte shqetësimi im. Bullgaria është mik i besuar në këtë proces. Bullgaria është gjithmonë aty. Edhe ku Ballkani Perëndimor doli nga radarët. Bullgaria e solli në vëmendje.” tha më tej Radev.
LEXO EDHE:
Rama i lutet Bullgarisë: Na hapni rrugën për të filluar bisedimet me BE-në
Etiketa: integrimi, negociatat, Presidenti bullgar, Rama, Rumen Radev, slloveni
