Kryeministri Edi Rama, në një konferencë me kryetarët e bashkive u sugjerojë këtyre të fundit që të mos përzihen me proceset e prokurimeve publike, duke favorizuar pjesëmarrësit. Rama tha se ata që e bëjnë një gjë të tillë, por luajnë me një zjarr përvëlues dhe se PS do të jetë në mbështetje të drejtësisë së re për këdo që shkel ligjin.
“Ju sugjeroj dashamirësisht që të mos përziheni me proceset e prokurimeve publike, të mos influenconi me pushtetin tuaj me favorizimin e njërit apo tjetrit. Të mos luani me një zjarr që do të bëhet gjithnjë e më shumë përvëlues, në kushtet kur drejtësia e re do të ketë gjithë mbështetjen time dhe të PS-së kundër kujtdo që do të luajë me zjarrin”.
Rama përmendi edhe shifra lidhur prokurimet në bashki, ku tha se për vitin 2020-2021 85.5% e tyre janë me probleme.
“Ja problematikat kryesore në bashkitë tuaj për prokurorimet publike për vitin 2020-2021. Nga janari 2020 janë asistuar nga Agjencia e Prokurorime Publike plot 1275 procedura të publike nga bashkitë. Asistenca e Agjencisë është një asistencë teknike që u vjen në ndihmë autoriteteve kontraktore që kanë sy për të lexuar dhe tru për të vepruar. Nga këto procedura 88.5% të procedurave janë me problematike në hartimin e kritereve. Për këtë arsye bashkive u janë dërguar rekomandime”, tha ai.
Pavarësisht rekomandimeve nga Agjencia e Prokurorime Publike, Rama shtoi se 52.5% e bashkive në vend nuk kanë reaguar dhe nuk kanë bërë asnjë reflektim për rekomandimet teknike të bëra nga Agjencia.
“52.5% e bashkive në vend nuk kanë reaguar dhe nuk kanë bërë asnjë reflektim për rekomandimet teknike. Tani është fakt botërisht se hartimi i kritereve të veçanta, ose shqip, qepja me dorë e tenderit si kostum me porosi, e cenon nivelin e pjesëmarrjes dhe drejtësinë e konkurrencës së operatorëve ekonomike në këto prokurorime. Është një teknikë grabitqare dhe përjashtuese”.
LEXO EDHE:
Pas shkarkimit si kryebashkiak, Rama përjashton Fatos Tushen nga PS
